Pribadong pwesto sa Kalibo Public Market nilooban, P60k cash at mga tseke natangay

Pinasok ng hindi pa nakikilalang kawatan o mga kawatan ang isang pribadong pwesto sa Kalibo Public Market.

Sinasabing, dakong alas-5:00 ngayong umaga ay nadatnan nalang na may sira na ang bahagi ng bubong gayundin ang backdoor nito.

Pinaniniwalaang ito ang nagsilbing entry at exit point ng mga kawatan.

Aabot sa P60,000 ang perang natangay pati na ang ilan pang mga pirmadong tseke na nakalagay sa kahon.

Naiwan pa sa pwesto ang isang adjustable ranger tool na ginamit ng salarin para makapasok.

Ayon sa may-ari, mayroon silang CCTV pero nakapatay ito kagabi.

Patuloy na ngayong iniimbestigahan ng Kalibo PNP ang insidente.