Prison guard, arestado sa pagpapaputok ng baril at paglabag sa Comelec gunban

BUMAGSAK sa kulungan ang isang prison guard ng Aklan Rehabilitation Center (ARC) matapos magpaputok ng baril sa Brgy. Baybay, Makato.

Kinilala ang suspek na si Jayson Dalida, 43 anyos, taga Alibagon, Makato.

Batay sa Makato PNP, nakatanggap sila ng tawag mula sa isang concerned citizen tungkol sa isang lasing na dalawang beses na nagpaputok ng baril.

Nang magresponde ang mga ito, nadatnan nila sa lugar ang suspek na nakaupo sa tabi ng kalsada.

Nakapatong naman ang caliber 38 na baril nito na may apat na bala sa kanyang katabing kongkretong upuan. Walang naipakitang papeles ang suspek kaya hinuli ito ng mga awtoridad.

Posible itong maharap sa kasong paglabag sa RA 10591 in relation to COMELEC Gunban at nakatakdang i-inquest ngayong araw.