Prov’l gov’t AT LGUs mas paiigtingin ang sector ng agrikultura sa Aklan

NAGKASUNDO ang provincial government at mga Local Government Unit (LGUs) na mas paigtingin at pagyabungin pa ang sektor ng agrikultura sa lalawigan ng Aklan.

Kasunod ito ng isinagawang pagpupulong ng Office of the Provincial Agriculturist (OPA), mga Sangguniang Bayan member na nakatuka sa sektor ng agrikultura, at 17 Municipal Agriculturists.

Sa nasabing “Strategic Planning for Agricultural Programs”, naglatag at pinag-usapan ang tungkol sa Greenhouse Development Projects, Aklan Marketing System for High Value of Crops at Local Farmers Technician for high value crops assigned to each Municipalities sa ilalim ng bagong pamumuno ni Aklan Gov. Joen Miraflores.

Kaugnay nito, napagkasunduan na magtutulungan ang provincial government at mga munisipalidad kung saan magkakaroon ng 50-50 na hatian para sa pondo na gagamitin sa implementasyon ng mga proyekto.