Pulis naaksidente sa motor, patay

Patay ang isang pulis matapos maaksidente sa minamanehong motorsiklo kaninang madaling araw sa Brgy. Mabilo, New Washington.

Dead-on-arrival ang biktimang si Patrolman Cesar Nedic Jr. ng Alaminos, Madalag, Aklan na nakatalaga sa Aklan Provincial Mobile Force Company.

Ayon sa Team Leader ng MDRRMO New Washington na si Gilbert Enriquez, nadatnan nila ang pulis na nakaipit sa kanyang motor.

Itinakbo nila ito sa ospital habang isinasagawa ang CPR pero idineklara itong dead-on-arrival ng doktor.

Iniimbestigahan na ng pulisya ang naganap na aksidente.