PWD na nagtutulak ng droga, arestado sa buy bust operation sa Kalibo

NALAMBAT ng mga kapulisan ang isang Person With Disability (PWD) na umano’y tulak ng droga sa isinagawang buy bust operation nitong Huwebes sa may D. Maagma Corner Rizal St., Poblacion, Kalibo.

Kinilala ang suspek na si Darwin Hapin alyas “Alog”, 50-anyos na residente ng Brgy. Bulwang, Numancia.

Nakuhaan ang suspek ng isang sachet ng pinaniniwalaang shabu kapalit ng P2,000 pesos na buy bust money.

Samantala, 2 pang dagdag na sachet ng shabu ang nakuha sa body search kasama ang isang keypad na cellphone at perang nagkakahalaga ng P509.

Mahaharap ang nasabing suspek sa kasong paglabag sa section 5 at 11 ng RA 9165.