Rescuer, ni-rescue ng kaniyang mga kasamahan matapos maaksidente sa motor

Todo rescue ang MDRRMO Libacao sa isa nilang kasamahan na naaksidente sa motorsiklo kagabi sa Poblacion, Libacao.

Batay sa ulat, nagroronda sakay ng motorsiklo ang 31 anyos na biktimang si Raymond Villorente dakong alas-9:00 kagabi habang naka duty.

Pero nawalan ito ng balanse at sumemplang sa motor habang umiikot-ikot sa lugar.

Mabilis namang nirespondihan ang biktima ng kanyang mga kasama at binigyan ng first aid.

Kasalukuyan na rin itong nagpapagaling sa Aklan Provincial Hospital.