Restaurant sa Brgy. Estancia, ninakawan!

PINASOK ng isang kawatan ang isang restaurant sa Brgy. Estancia sa bayan ng Kalibo nitong Miyerkules.

Minabuting ipa-blotter ni Arlene Gumban, 26 anyos, sa Kalibo Municipal Police Station ang nangyaring nakawan sa kanyang pinagtatrabahuhang restaurant.

Kitang-kita sa CCTV ang kawatan na nakasuot ng jacket at facemask na may bitbit na flashlight.

Sinira umano nito ang cash box at tinangay ang laman na higit kumulang P300, P400 na laman ng tip box at susi ng Yamaha Mio Motorcycle.

Hindi pa nakuntento ang suspek at kumuha pa ito ng dalawang softdrinks at ininom sa labas ng establisyemento.

Sa ngayon, patuloy na iniimbestigahan ng mga kapulisan ang nangyaring nakawan.