RIDER NG MOTORSIKLO AT KANYANG ANGKAS, SUGATAN SA AKSIDENTE

Sugatan ang isang rider ng motorsiklo at kanyang angkas matapos maaksidente mag-aalas 10:00 kagabi sa Tigayon Diversion Road.

Nakilala ang mga biktimang si Ruben Olog Alegria, 23 anyos, at Regie Lanosa Alegria, 11 anyos, kapwa residente ng Pook, Kalibo.

Base sa imbestigasyon ng pulis, galing sa Mina, Lezo ang dalawa papuntang Osmeña Avenue, Kalibo, subali’t nawalan umano ng kontrol sa pagmamaneho ang drayber pagdating sa madilim at kurbadang kalsada.

Resulta, sumemplang ang kanilang motorsiklo rason ng mga sugat at pinsala nila sa kanilang katawan.

Kaagad silang binigyan ng pangunang lunas ng mga taga MDRRMO bago dinala sa ospital, kung saan naka confine ang drayber, habang out patient naman ang kanyang angkas.