Rider ng motorsiklo, bumangga sa poste at nahulog sa irigasyon, patay

Makato – Dead on arrival sa ospital ang isang rider ng motorsiklo matapos umanong bumangga sa poste at mahulog sa irigasyon sa Calangcang, Makato, bandang alas 11:50 kagabi.

Nakilala ang biktimang si Rodney Dela Cruz, 30 anyos ng Calimbajan, Makato.

Base sa report ng Makato PNP, galing sa direksyon ng Lezo papuntang Poblacion , Makato ang biktima, subalit sinasabing na overshoot umano nito ang kurbadang kalsada doon, rason na bumangga ito sa poste bago nahulog sa irigasyon.

Kaagad namang tumawag ng mga taga MDRRMO Makato ang mga rumespondeng pulis sa lugar at dinala sa ospital ang biktima ngunit hindi na ito umabot ng buhay.