RIDER NG MOTORSIKLO, SUGATAN MATAPOS BUMANGGA SA POSTE

Numancia — Sugatan ang isang rider ng motorsiklo matapos aksidenteng bumangga sa poste bandang alas 9:20 kagabi sa Bubog, Numancia.

Nakilala ang biktimang si Chris Custodio, 36 anyos ng Laguinbanwa East, Numancia.

Base sa police report ng Numancia PNP, nagmomotorsiklo pauwi ang biktima galing sa Bulwang, Numancia nang mawalan nang kontrol sa pagmamaneho at aksidenteng bumangga sa poste.

Resulta, nagtamo ng sugat sa mukha at sakit sa katawan ang biktima na kaagad ding dinala at ginamot sa Rural Health Unit.

Napag-alamang nasa impluwensiya ng alak ang biktima habang nagmomotorsiklo nang mangyari ang insidente.