RIDER NG MOTORSIKLO, SUGATAN MATAPOS SUMALPOK SA KOTSE

Sugatan ang isang rider ng motorsiklo matapos aksidenteng sumalpok sa isang kotse, alas 7:25 kaninang umaga sa Linabuan Sur, Banga.

Nakilala ang biktimang rider na si Remuel De Pedro, 30 anyos ng Lalab, Batan.

Base sa imbestigasyon ng pulis, isang kotse na galing Numancia papuntang Banga ang lumiko papasok sa isang eskwelahan nang aksidente umano itong nabangga ng nasabing rider na papunta sa direksyon ng Kalibo.

Resulta, sumemplang sa kalsada ang motorsiklo, rason na nasugatan sa katawan ang biktima na kaagad namang dinala sa ospital.

Hinihintay pa ng Banga PNP ang magiging disposisyon ng magkabilang panig hinggil sa insidente.