RIDER NG MOTORSIKLONG SUMALPOK SA JEEP, BUMANGGA PA SA ELF TRUCK, SUGATAN

Patuloy pa ngayong ginagamot sa pribadong ospital ang isang rider ng motorsiklo matapos sumalpok sa jeep at bumangga pa sa isang elf truck sa Laguinbanwa East, Numancia.

Nakilala ang biktimang rider na si Estanislao Quisel, 32 anyos ng New Buswang, Kalibo.

Base sa imbestigasyon ng pulis, mabilis umano ang pagpapatakbo nito ng motorsiklo, kung kaya’t nasapul pa rin nito ang lumikong jeep na magpapagasolina sana.

Sa lakas ng pagkakabangga, sinasabing sumalpok pa ang motorsiklo sa elf truck na nakasunod sa jeep.

Resulta, bali ang kanang paa ng biktima, na nagtamo rin ng sugat at pinsala sa iba’t-ibang parte ng kanyang katawan.

Kaagad naman itong dinala sa ospital, habang nakahanda naman umanong magbigay ng tulong pinansyal sa biktima ang driver ng jeep at elf truck.