Senior citizen, humingi ng tulong matapos na saktan ng anak na mentally challenged

Humingi ng tulong sa mga otoridad ang isang senior citizen matapos umano itong saktan ng kaniyang anak na mentally challenged nitong gabi ng Miyerkules sa Brgy. Estancia, Kalibo.

Batay sa report, nirespondehan ng Peacekeeping Action Team (BPAT) ang insidente at dinala ang biktima sa Kalibo Municipal Police Station.

Sinasabing sa tuwing sinusumpong umano ang anak ng kaniyang sakit ay pinapasok nito ang ina sa kwarto at sinasaktan. Ipinagamot na umano ito pero dahil sa kapos rin ang pamilya ay hindi na nasusunod ang pagpapainom rito ng gamot.

Napag-alaman na nagkaroon ng sakit ang anak ng biktima dahil umano sa paggamit nito noon ng iligal na droga.