Senior Citizen na kubrador ng bookies, dinampot ng pulis

Inaresto ng mga kapulisan ang isang senior citizen dahil sa pagpapataya ng STL bookies sa Brgy. Man-up, Altavas.

Nahuli sa akto si Francisco Dela Cruz, 60-anyos ng Brgy. Estancia, Kalibo sa entrapment operation na ikinasa dakong alas-4:30 kahapon ng Altavas PNP.

Nakumpiska ng mga awtoridad mula sa kanya ang P20 na marked money, cotejo at iba pang gamit sa pagpapataya.

Mahaharap si Dela Cruz sa kasong paglabag sa Anti-Illegal Gambling Law.