Senior Citizen na tricycle driver, nadisgrasya sa may Kalibo-Numancia bridge

Sugatan ang isang 66-anyos na senior citizen makaraang maaksidente sa minamanehong traysikel malapit sa may Kalibo-Numancia Bridge.

Kinilala ang biktimang si Rosseler Galino na residente ng Brgy. Laguinbawa East, Numancia.

Batay sa ulat, hindi na nakapagbiyahe ang biktima dahil nakipag-inuman ito sa Kalibo.

Nang pauwi na ito dakong alas-10:30 kagabi ay pinigilan pa siya ng kanyang mga kapwa driver.

Pero hindi nakinig si Galino at tumuloy sa pag-uwi kung saan naaksidente ito dahil sa bilis ng

pagpapatakbo pagdating sa Bulwang sa may unahan ng Kalibo-Numancia bridge.

Dinala naman ng mga nagresponding medical responders ang biktima sa pinakamalapit na ospital.