Senior citizen, nabaril ng kanyang pinsan dahil sa kalasingan

NADAPLISAN ng bala ang isang senior citizen nang magpaputok ng baril ang kanyang pinsan habang sila ay nag-iinuman sa Daja Norte, Banga bandang alas-4:00 ng madaling-araw nitong Lunes, Hunyo 23.

‎

‎Kinilala ang biktima na si Mars Ingalla, 60-anyos at residente ng Daja Norte, samantalang nakilala naman ang kanyang pinsan na si Reynold Rebello, taga-Barangay Daja Sur ng nasabing bayan.

‎

‎Sa inisyal na imbestigasyon ng Banga PNP, nagsimulang mag-inuman ang magpinsan bandang alas-7:00 ng gabi at kalauna’y may pumagitnang diskusyon sa dalawa.

‎

‎Bumunot umano ng kalibre 45 na baril si Rebello at tinutok sa lupa dahilan kaya nadaplisan ng bala sa kanang binti si Ingalla.

‎

‎Agad na dinala ng Barangay Patrol ng Daja Norte ang biktima sa Aklan Provincial Hospital na ini-refer naman sa Out-Patient Department.

‎

‎Samantala, arestado naman sa isinagawang hot-pursuit operation ng kapulisan si Rebello habang hinahanap ang baril na ginamit sa insidente.| Ulat ni Arvin Rompe