Senior Citizen patay matapos makipagsaksakan sa nakaalitan

Dead on arrival ang isang 75 anyos na lolo matapos makipagsaksakan sa nakaalitan sa Brgy. Sugnod, Malinao.

Kinilala ni PSMS Gerald Isuga, chief investigator ng Malinao PNP ang biktimang si Jolito Victoriano at ang suspek na si Danilo Fernando, 52 anyos, kapwa mga residente ng nabanggit na lugar.

Batay kay Isuga, pauwi na ang dalawa mula sa isang lamay nang magkaroon sila ng pagtatalo na nauwi sa saksakan.

Nakita umano sila ng isang testigo na nag-aaway at nag-aagawan ng isang kitchen knife na may habang sampung pulgada.

Tatlong tama ng pananaksak sa dibdib ang tinamo ng biktima at sa ibang bahagi ng katawan.

Samantala, naka-hospital arrest naman ngayon ang suspek na si Fernando.

Para sa iba pang balita, bisitahin ang www.radyotodo.ph