SLI tiklo sa drug buy bust ops sa Kalibo

Timbog ang isang  Street Level Individual (SLI)  sa isinagawang drug buy bust operation ng mga operatiba sa Capitol Site, Barangay Estancia, Kalibo nitong Miyerkules.

Kinilala ang suspek na si James Paul Inocencio, 30 anyos, residente nabanggit na lugar.

Nabilhan si Inocensio ng isang sachet ng suspected shabu kapalit ng P8,000 na buy bust money.

Sa isinagawang body search, narekober mula sa kanya ang mga drug residue, isang sachet ng suspected shabu, pera at iba pang non drug items.

Samantala, mariing itinatanggi naman ng suspek na kanya ang nahuling mga iligal na droga.

Sa ngayon ay nasa kustodiya na ito ng Kalibo PNP at mahaharap sa kasong paglabag sa RA 9165 o Comprehensive Dangerous Drugs Act 0f 2002.