SLI, timbog sa buy bust operation sa Unidos, Nabas

TIKLO sa buy-bust operation ng pinagsanib na puwersa ng Nabas PNP, PDEU Aklan at Aklan Maritime Police ang isang street level individual (SLI) matapos na mabilhan ng umano’y iligal na droga nitong Miyerkules ng gabi sa Unidos, Nabas.

Kinilala ang suspek na si Ralph Magno na residente ng Nabas, Aklan.

Nabilhan ang suspek ng 2 sachet ng suspected shabu kapalit ng P3,000 na buy-bust money.

Dagdag pa dito ang 6 na sachet na umano’y shabu na narekober sa pagsagawa ng body search sa suspek.

Narekober din ang P1,100 na personal na pera ni Magno at mga id’s.

Sa ngayon ay nasa kustodiya na ng Nabas PNP ang subject na nahaharap sa kasong paglabag sa R.A 9165 o Comprehensive Dangerous Drugs Act of 2002.