SLI, timbog sa drug buy bust ops sa Makato

Tiklo ang isang Street Level individual sa ikinasang drug buybust operation nitong gabi ng Biyernes sa Sitio Tabok Brgy. Dumga, Makato.

Kinilala ang suspek na Daniel Joseph Tubao, 42-anyos, taga- Mindoro ngunit kasalukuyang naninirahan sa nasabing lugar.

Nabilhan si Tubao ng 2 sachet ng suspected shabu kapalit ng P1,000 na buybust money.

Samantala, dagdag pang 2 sachet ng suspected shabu ang narekober sa pag body search sa suspek.

Sa ngayon ay nasa kustodiya na ng Makato Pnp si Tubao na nakatakdang maharap sa kasong paglabag sa RA 9165 o Comprehensive Dangerous Drugs Act of 2002.