Solid Waste Division ng LGU Kalibo nilinaw ang tungkol sa P500 na bayad kada truck ng basura na itinatapon sa dumping site

Nilinaw ni Herlyn Samoy, Officer II ng Solid Waste Division ng LGU Kalibo ang tungkol sa P500 na bayad kada truck ng basura na itinatapon sa dumping site.

Kasunod ito ng reklamo ni Andagao Punong Barangay Roselyn Lachica Dela Rosa na sila lamang umano ang barangay na nagbabayad ng nasabing halaga sa LGU.

Paliwanag ni Samoy, ang P500 na bayad sa bawat truck na basura ay batay sa Municipal Ordinance 2020-03 sa ilalim ng Revenue Code ng lokal na pamahalaan.

Katunayan aniya, dapat P864 per truckload ang bayad para dito ngunit dahil sa naiintindihan nila na mababa lamang ang budget ng bawat barangay kung kaya’t ibinaba rin nila ito sa liman-daang piso kada barangay.

“Base sa aton nga LGU Revenue Code, sa Municipal Ordinance 2020-03, ro amo gid-a karon nga sinueoktan hay nasa P864 per truckload. Kaso ro amon nga gina-anu… gina-konsideran man namon dahil mga barangay man sanda ag sayod man naton ro budget it barangay hay limitado so ginbutang namon sanda sa tig-P500 depende imaw sa kabahoe,” paliwanag ni Samoy.

Dagdag pa nito, “May una mat-a karon nga lesser kung ro andang ginagamit hay tri-wheel or tricycle or kung ano nga maisot eang imaw hay manaba mat-a ro andang ginabayaran.”

“Base iya sa among record, tanan nga ginbanggit nga barangay hay nakasettle sa andang payment iya ag may amon iya nga mga patunay – may resibo,” pagtutuloy pa nito.