SSS benefits para sa mga Job Order personnel isinusulong ni SB member Tolentino

ISINUSULONG ngayon ni Sangguniang Bayan member Augusto Tolentino na mabigyan ng Social Security System (SSS) benefits ang mga Job order personnel ng LGU Kalibo.

Ayon sa konsehal, may programa ngayon ang SSS Self Employed Program kung saan magandang oportunidad ito para sa mga contract of service personnel.

Aniya, mas makabubuti kung may benepisyo ring matanggap ang mga Job order personnel upang may magamit sila sa oras ng emerhensiya.

Dagdag pa ni Tolentino na kung mapag-aralan na ni Mayor Juris Sucro ang posibilidad na makapasok sa Memorandum of Agreement (MOA), ang DILG ang magsisilbing coverage and collection partner ng SSS.

Bilang collecting partner, binibigyan ng SSS ng authority ang DILG na magkolekta at magbayad ng monthly contributions sa pamamagitan ng salary deduction scheme sa ilalim ng KALTA-SSS collect program.