Suklay ng dalaga nahulog, 2 motorsiklo nagbanggaan

Sumemplang ang dalawang motorsiklo matapos magbanggaan dahil sa nahulog na suklay ng isang dalagang back-rider sa national highway ng Brgy. Andagao, Kalibo kahapon, Setyembre 27.

Hiniling umano ng dalaga sa 24 anyos na driver ng motorsiklo na balikan ang suklay nitong nahulog sa kalsada. Agad naman na lumiko ang driver at hindi napansin ang papalapit na motorsiklo na papuntang Kalibo.

Dahil dito, sumalpok ang motorsiklo dahilan na magtamo ng iba’t-ibang sugat sa katawan ang mga biktima na agad namang nirespondihan ng MDRRMO Kalibo.

Nag-usap naman ang magkabilang panig para sa settlement ng kaso.