Suzuki Smash tinangay ng isang kawatan sa Altavas

Patuloy ang isinasagawang pag follow up ng mga kapulisan ukol sa nangyaring nakawan ng motorsiklo sa Brgy. Man-up, Altavas nitong Pebrero 27.

Batay sa Altavas PNP, isang babae ang nagreport kahapon sa kapulisan matapos na madiskubre na nawawala ang kanyang itim na motor na Suzuki Smash 115 na nakaparada sa labas ng kanyang tnitirahan.

Kitang-kita sa CCTV ang aktwal na pagtangay ng isang di pa kilalang salarin sa motorsiklo dakong alas-3 ng madaling araw nitong Lunes.

Sinakyan nito ang motorsiklo papunta sa direksyon ng Balete.

Nakikipag-ugnayan na ang Altavas PNP sa Highway Patrol Group para matukoy ang pagkakakilanlan ng lalaking suspek.