Talabahan village sa bayan ng New Washington, babantayan na ng mga kapulisan

Magkakaroon na ng police outpost sa talabahan village sa bayan ng New Washington.

Ito ang napagkasunduan sa Sangguniang Bayan matapos ang nangyaring rambol nitong Disyembre a-4 sa labas ng Alcedo Café and Restaurant.

Ayon kay SB member Jojo Malonosan ito ang nakikita nilang long-term solution upang maiwasan na ang kaparehong insidente.

“Butangan dikaron it posting it aton nga pulis,” pahayag ni Malonosan sa panayam ng Radyo Todo.

Aniya pa, hindi lamang ito para sa Alcedo Café and Restaurant kundi para na rin sa lahat ng mga establisyemento sa Talabahan Village.

Dagdag pa ni Malonosan na marami ang bumibisita sa nasabing lugar kung kaya’t kailangan maprotektahan ang kanilang kaligtasan.

Samantala, isinuhestiyon naman ng sangguniang bayan sa pamunuan ng Alcedo Café and Restaurant na makipag-ugnayan sa barangay at LGU gayundin na magdagdag ng security personnel upang hindi na maulit ang nangyaring insidente.