Tatlo sugatan matapos ang pananaksak sa bayan ng Makato

Nagtamo ng sugat sa iba’t-ibang bahagi ng katawan ang tatlong lalaki matapos ang nangyaring pananaksak sa Poblacion, Makato kaninang madaling araw.

Kinilala ang mga ito na sina Welmar Belenario ng Poblacion Makato at magkapatid na Rommel at Romeo Dumaraog sa legal na edad, tubong Pangasinan at kasalukuyang  naninirahan sa bayan ng Makato.

Batay sa imbestigasyon ng Makato Municipal Police Station magkasamang nag-iinuman ang magkapatid na Dumaraog kasama ang ilan pa nilang barkada nang dumating si Belenario at sinaksak ang mga ito.

Nakakuha naman ng kutsilyo ang magkapatid at sinaksak rin si Belenario.

Nagtamo ang mga ito ng sugat sa kanilang katawan na agad dinala sa Provincial Hospital.

Sa ngayon ay nagpapatuloy pa ang imbestigasyon ng Makato Municipal Police Station hinggil sa nangyaring insidente.