TATLO SUGATAN SA 2 MOTORSIKLONG NAAKSIDENTE

Tatlo ang napaulat na isinugod sa ospital sanhi ng aksidente sa highway ng Calangcang, Makato alas 10:25 kaninang umaga.

Nakilala ang mga biktimang mag-asawa na sina Reymund Voon Berosil, 29 anyos at Jennifer Berosil, sa legal na edad, ng Caticlan, Malay, at ang rider ng nabangga umano nilang motorsiklo na si Gilbert Nemis, 52 anyos ng Poblacion, Makato.

Base sa imbistigasyon ng pulis, galing sa Poblacion, Makato si Nemis, at paliko na sana pauwi sa Sitio Tigaw, Poblacion, Makato nang mabangga ng motorsiklo ng mag-asawa.

Lumalabas pa sa imbistigasyon na hindi umano agad napansin ng driver na si Reymond ang palikung si Nemis, rason ng nasabing aksidente.

Sanhi nito, nagtamo ng sugat at pinsala sa katawan ang 3, matapos sumemplang sa kalsada ang kanilang mga motorsiklo.

Pansamantala namang nasa impounding area ng Makato PNP ang mga motorsiklo ng mga biktima.