Tatlong bahay, natupok dahil sa apoy na nagmula sa extension cord

Tinupok ng apoy ang tatlong bahay na gawa sa mixed materials sa Brgy. Andagao, Kalibo dakong alas-2 kaninang madaling araw.

Ayon sa may-ari ng isa sa mga nasunog na bahay na si Luda Mationg, nakita umano niya na nagmula ang apoy sa isang extension cord.

Sinubukan pa nilang apulahin ang apoy at binuhusan ng tubig pero mabilis pa rin itong kumalat at nilamon ang buong bahay.

Tanging tv lang aniya ang kanilang nailigtas mula sa kanilang mga kkagamitan.

Nagtamo rin ng paso sa paa ang isa niyang pamangkin na natutulog mag-isa sa kwarto nang maganap ang sunog.

Kinumpirma ni FO1 Rene Ajusan ng BFP Kalibo na totally burned ang mga bahay at tatlong pamilya ang apektado.

Patuloy pa ang imbestigasyon ng BFP kaugnay sa insidente.