Tatlong indibidwal, arestado sa paglalaro ng kara y kruz sa isang lamay

KULONG ang tatlong indibidwal matapos na mahuli sa aktong naglalaro ng kara y kruz sa Bulwang, Numancia.

Nakilala ang mga akusadong sina Charlie Custodio, 31 anyos; Regie Rodrigo, 38 anyos at Rory Gomez, 45 anyos, lahat mga taga Bulwang, Numancia.

Base sa report ng Numancia PNP, nakatanggap sila ng report na may mga naglalaro ng kara y kruz sa lugar at agad pinuntahan kaya nahuli ang mga ito.

Nakuha sa kanila ang P3000, improvised table at iba pa.

Mahaharap ang tatlo sa kasong paglabag sa PD 1602 o Anti-Illegal Gambling Law.