TATLONG LALAKI ARESTADO DAHIL SA ILIGAL NA SABONG SA BAYAN NG NABAS

Nabas Aklan – Arestado ang tatlong lalaki sa isinagawang operation ng Nabas PNP at Provincial Special Task Force on illegal gambling sa bayan ng Nabas alas 5:15 kahapon ng hapon.

Ayon Kay PSMSgt. Sandig ng Nabas PNP nakilala ang mga naaresto na sina Rofil Subron 63 anyos, isang traysikel drayber; Erwin Venus, 34 anyos, security guard at Carl Amoranto, 27 anyos lahat residente ng Brgy. Gibon, Nabas Aklan-.

Inaresto ang mga suspek matapos maaktuhan na merong isinasagawang iligal na sabong sa Brgy. Gibon Nabas.

Narekober sa nasabing operation ang P1, 050 na pera at dalawang pansabong na manok.

Pansamantalang nasa kustodiya ng Nabas PNP ang mga suspek na nakatakdang sampahan ng kasong paglabag sa Anti-illegal Gambling Law.