Tatlong motorsiklo nagkarambola, isa naospital

Isinugod sa ospital ang isa sa mga drayber ng motorsiklong nasangkot sa karambola ng tatlong motor sa bahagi ng Brgy. Estancia, Kalibo dakong alas-9:00 ng umaga nitong Lunes.

Ayon sa isa sa mga driver na si John Rufino Dela Cruz, mula siya sa kanilang bahay sa Brgy. Tigayon at papunta sana sa kaniyang trabaho sa Pob. Kalibo nang bigla itong madamay sa aksidente.

Sinasabing, kasalubong nito ang dalawang motorsiklo na parehong patungo sa direksyon ng Banga.

Pero nag-overtake ang asul na motorsiklo sa palikong motor at naabot ito dahilan na tumilapon at sinapul din siya ng asul na motor.

Kapwa natumba ang tatlong sangkot na motorsiklo at nagtamo ng mga pinsala ang mga driver.

Tumanggi nang magpadala sa ospital si Dela Cruz pati na ang isa pang driver samantala isinugod naman sa ospital ang drayber ng kulay asul na motor.

Sa ngayon ay nagpapatuloy pa ang imbestigasyon ng mga kapulisan para matukoy kung sino ang dapat na managot sa aksidente.