Tatlong motorsiklo, nagkarambola sa Banga

Wasak ang isa sa tatlong motorsiklo na nagkarambola kahapon sa bahagi ng Linabuan Sur, Banga.

Batay sa report ng Banga PNP, paliko umano ang isang motorsiklo nang aksidente nitong nabundol ang isa pang motor na mula sa direksyon ng Kalibo.

Tumilapon ang isa sa mga motor dahilan para ito’y mawasak habang natumba naman ang isa.

Samantala, nadamay din ang isa pang motor na mula naman sa direksyon ng Banga matapos rin itong matamaan.

Maswerte at kaunting galos lang sa katawan ang tinamo ng mga motorista.

Samantala, dinala naman ang mga sangkot sa Banga Municipal Police Station at kalaunan ay nagka-areglo.