TIYAHIN, TINAGA NG PAMANGKIN

Madalag – Sugatan ang isang 54 anyos na tiyahin matapos umanong tagain ng pamangkin bandang alas 10:15 kaninang umaga sa Barangay Cabilawan, Madalag.

Nakilala ang biktimang si Julieta Teñoso samantala ang suspek ay nakilalang si Jhun Rey Teñoso Nabayra, 18 anyos, pawang mga residente ng nasabing lugar.

Base sa inisyal na imbestigasyon ng Radyo Todo Aklan, bumaba mula sa bahay sa bulubunduking bahagi ng barangay ang biktima na duguan at humihingi ng tulong dahil tinaga umano siya ng suspek.

Kaagad naman siyang dinala sa ospital matapos magtamo ng sugat sa katawan, habang patuloy pang pinaghahanap ng mga otoridad ang suspek na tumakas pagkatapos ng insidente.

Sa ngayon hindi pa matukoy ng mga otoridad ang dahilan o motibo ng nasabing insidente.