Top 1 Most Wanted sa bayan ng Batan arestado sa Palawan

Nagwakas ang pagtatago sa batas ng Top 1 Most Wanted Person sa bayan ng Batan matapos maaresto ng mga awtoridad sa Palawan.

Kinilala ng Batan PNP ang akusado na si John Lester Gallardo,18 anyos at residente ng Brgy. Camanci, Batan, Aklan.

Naaresto si Gallardo sa pamamagitan ng pinagsanib na puwersa ng Batan Municipal Police Station at Cuyo Municipal Police Station sa bisa ng warrant of arrest sa kasong statutory rape.

Ito ay may criminal case number 16364  na ibinaba ni Hon. Bienvenido P Barrios Jr, Presiding Judge, RTC Br 3 Kalibo, Aklan na may petsang August 24, 2022.

Walang piyansang itinakda ang korte para sa kanyang pansamantalang kalayaan.

Napag-alaman na si Gallardo ay Top 8 most wanted sa lalawigan ng Aklan at Top 5 sa Regional Level.

Sa ngayon ang akusado ay pansamantalang ikinostudiya ng Cuyo MPS para sa karampatang disposisyon./SM