TOP 8 MOST WANTED PERSON SA LISTAHAN NG IVISAN PNP, ARESTADO SA MADALAG

Arestado bandang alas 5:30 kaninang madaling araw sa Talangban, Madalag ang itinuturing na Top 8 Most Wanted Person sa listahan ng Ivisan PNP Station.

Kinilala ng Madalag PNP ang akusadong si Nestor Lipardo, 57 anyos ng Talimagao, Madalag.

Sa joint operation ng Ivisan PNP at Madalag PNP, naaresto ang akusado sa kasong rape sa bisa ng warrant of arrest na ibinaba ni Presiding Judge Esperanza Isabel E. Poco-Deslate, 6th Judicial Region, Branch 6, Roxas City nito lamang nakaraang November 28, 2019.

Pansamanlata siyang ikinustodiya sa Madalag PNP Station para sa karampatang disposisyon, habang walang inirekomendang piyansa para sa kanyang pansamantalang kalayaan.