TRAYSIKEL DRAYBER AT KANYANG PASAHERO, SUGATAN MATAPOS BUMANGGA SA NAKAPARADANG PICK UP

Kapwa sugatan ang isang traysikel drayber at kanyang pasahero matapos bumangga sa nakaparadang pick up alas 9:30 kaninang umaga sa Calangcang, Makato.

Nakilala ang biktimang drayber na si George Talco, 60 anyos, at pasahero nitong si Sandy Zapico, sa lega na edad, kapwa residente ng nasabing lugar.

Base sa imbestigasyon ng Makato PNP, papunta umano sana sa direksyon ng Poblacion, Makato ang dalawa, subali’t nawalan umano ng kontrol sa pagmamaneho rason na aksidenteng bumangga sa nakaparadang pick up.

Resulta, kapwa sugatan ang dalawa, subali’t si Talco ang minarapat i confine sa isang pribadong hospital, habang minor injury lamang ang tinamo ni Zapico.

Lumalabas naman sa imbestigasyon ng pulis na nasa impluwensiya ng alak ang drayber nang magmaneho ng traysikel, nang mangyari ang insidente.