Aklan News
Traysikel driver na tulak umano ng ilegal na droga, arestado
Arestado sa ikinasang buybust operation ang isang traysikel driver na umano’y tulak ng ilegal na droga dakong alas-11:15 ng gabi nitong Byernes sa kaniya mismong bahay sa Brgy. New Buswang, Kalibo.
Kinilala ang suspek na si Joel Nervar, 41-anyos na isang traysikel driver.
Nakuha kay Nervar ang dalawang mga sachet ng hinihinalang shabu kapalit ng P5,000 na buy bust money.
Bukod pa rito, nakuha rin sa posisyon ng nasabing suspek ang dagdag na limang sachet ng droga na nakapaloob sa takip ng alak na niyupi.
Sa pagpapatuloy ng pag-uusisa sa lugar, narekober sa mismong kwarto nito ang ilan pang mga sachet ng shabu at drug paraphernalia.
Sa ngayon ay nasa Roxas na ito para ipasailalim sa drugtest.
Samantala, nakatakda itong maharap sa kasong RA 9165 o Comprehensive Dangerous Drugs Act of 2002.
