Aklan News
3 sakay ng tricycle pat*y matapos araruhin ng fuel tanker sa Ochando, New Washington
Pat*y ang driver ng tricycle at dalawang sakay nito matapos na araruhin ng isang fuel tanker sa bahagi ng Ochando, New Washington nitong umaga ng Lunes, Mayo 19.
Idineklarang dead-on-arrival sa Aklan Provincial Hospital ang dalawang sakay na sina Dr. Beonify Opinion, 58-anyos, isang faculty member ng ASU-New Washington, at si Donny Peralta, 50-anyos na residente naman ng Dumaguit, New Washington.
Samantala, nasawi rin habang ginagamot sa isang pribadong ospital ang mismong driver ng tricycle na si Wilson Algarne, 23-anyos, na residente rin ng nasabing lugar.
Si Algarne ay nagtamo ng mga tama sa ulo at idineklarang pat*y bandang alas-8:52 nitong umaga.
Kasalukuyan namang ginagamot sa Provincial Hospital ang apat pang mga sakay ng tricycle.
Ang mga biktima ay dinala sa ospital ng mga rumespondeng MDRRMO, PDRRMO, BFP, at PNP.
Samantala, nasa kustodiya naman ng New Washington Municipal Police Station ang drayber ng Fuel Tanker na si Ramil Fernandez, 37-anyos at residente ng Minglanilla, Cebu para sa karampatang disposisyon. l Ulat ni Arvin Rompe
