Tribu Timgas, itinanghal na grand champion sa Buling-Bulingan Festival 2023

Itinanghal na grand champion ang Tribu Timgas sa Buling-Bulingan Street Dancing and Performance Competition 2023 sa bayan ng Banga.

Nakatanggap ng P50,000 na premyo ang Tribu Timgas na entry ng Brgy, Manggan, Tabayon at Pagsanghan.

Bukod sa pagiging grand champion, nakuha din ng nasabing grupo ang mga special award na Best in Performance, Best in Props and Costume at best in Endurance and Discipline.

Samantala, nakakuha naman ng P30,000 ang first runner up at Best in Choreography na Tribu Tabok ng Brgy. Tinapuay, Daja Norte at Daja Sur.

Habnag ang 2nd runner up na Tribu Jupacer ng Jumarap, Palale at Cerrudo ay nakatanggap naman ng P20,000.

Ang Buling-Bulingan Festival ay lokal na bersyon ng Ati-Atihan Festival sa bayan ng Banga na ipinagdiriwang sa buwan ng Mayo.