Tricycle at motor na minamaneho ng mga driver na nakainom, nagsalpukan

Isinugod sa ospital ang tatlong indibidwal matapos na magsalpukan ang sinakyang motorsiklo at tricycle sa bahagi ng Roxas Ave. Ext., Brgy. Andagao, Kalibo dakong alas-3:30 kaninang madaling-araw.

Napag-alaman na pawang nakainom ang babaeng driver ng motor at angkas nito na mga residente ng Kalibo habang nakainom rin ang 28-anyos na tricycle driver na tubong Linabuan Norte.

Batay sa imbestigasyon ng Kalibo Pnp, mula sa magkasalungat na direksyon ang motor at tricycle nang magbanggaan ang mga ito dahil parehong nakainom ang mga driver.

Sugatan at walang malay na isinugod sa ospital ang angkas ng motor habang sugat rin sa katawan ang tinamo ng driver.

Samantala, sugat rin sa paa ang tinamo ng tricycle driver na pansamantala munang ikinustodiya sa Kalibo Pnp para sa karampatang disposisyon.