Tricycle bumangga sa Montero Sport sa may Kalibo International Airport

Sumalpok ang isang traysikel sa likurang bahagi ng isang Montero Sport sa bahagi ng Kalibo International Airport kagabi.

Batay sa ulat, may hinatid lang ang traysikel sa paliparan at pabalik na sana nang aksidente itong sumalpok sa likuran ng kasunod na sasakyan.

Sinasabing bumagal ang pagpapatakbo ng sasakyan dahil sa humps pero nagdere-deretso ang traysikel kaya ito bumangga.

Dahil dito, basag basag ang harapang salamin ng tricycle at yupi naman ang likurang bahagi ng sasakyan.

Nagtamo rin ng sugat sa may noo ang isang pasahero ng traysikel habang ligtas naman ang driver.