Tricycle driver at laborer, nasakote sa buy bust operation sa Kalibo

Naaresto sa buy bust operation ang isang tricycle driver at laborer na umano’y tulak ng droga sa buy bust operation kaninang hatinggabi sa N. Roldan Extension, Poblacion, Kalibo.

Kinilala ang mga suspek na sina Rico Salarda alyas “Jun”, 47 anyos na laborer at Ruel Apolinario, 44, isang tricycle driver at parehong mga residente ng N. Roldan Ext. Poblacion, Kalibo.

Nakuha sa kanila ang P1,200 na buy bust money kapalit ng isang sachet ng shabu at dagdag pang 12 sachet.

Dinala na ang dalawa sa Roxas para isailalim sa drug test.

Mahaharap ang mga ito sa kasong paglabag sa RA 9165 o Comprehensive Dangerous Drugs Act of 2002.