TRIGGER WARNING: Lolo, natagpuang patay malapit sa isang palayan sa Nabas; pamilya ng biktima, naniniwalang walang foul play sa pagkamatay ng matanda

WALA NANG BUHAY ng matagpuan ng mga residente ang isang senior citizen sa masukal na bahagi ng palayan sa Solido, Nabas pasado alas-3:00 ng hapon nitong Linggo.

Kinilala ang biktimang si Victor Sumanga, 75-anyos at residente ng nasabing lugar.

Sa eksklusibong panayam ng Radyo Todo sa kaniyang kaanak na si Marybeth Anario, alas-3 ng hapon din ng makatanggap sila ng ulat na natagpuang wala nang buhay ang kanilang kaanak malapit sa palayan.

Alas-12:00 umano ng tanghali ay nakasabay pa ng biktimang kumain ang kanyang anak.

Pagka-alis naman ng kanyang anak ay nagtungo sa bukid ang biktima.

Naniniwala naman ang pamilya nito na walang may nangyaring foul play sa pagkamatay nito at posible umanong na heatstroke ang ikinamatay ng matanda.

Sa ngayon ay nagpapatuloy pa ang imbestigasyon ng Nabas PNP sa nangyaring insidente.