“TULOY ANG ELECTION SA MAYO 9” – COMELEC AKLAN SPOX

Tuloy na tuloy ang halalan sa Lunes, Mayo a-nueve.

Ito ang pagpapasiguro ni Comelec-Aklan spokesperson Crispin Raymund Gerardo kasunod ng deployment ng mga Vote Counting Machines (VCMs) at iba pang election paraphernalias ngayong araw sa buong lalawigan.

Kasunod ng pamamahagi ng mga VCMs ay nagsagawa sila ng final testing at sealing upang masigurong maayos at gumagawa ang bawat machine at maiwasan ang aberya sa mismong araw ng election.

Ayon pa kay Gerardo mayroon silang contingency measures sakaling magloko ang VCMs.

Maliban dito may nakahandang technician at reserbang VCMs ang komisyon sakaling may mangyaring aberya.

Samantala, ipinasiguro ni Gerardo na simula sa distribusyon ng mga VCM hanggang sa araw ny election ay may mga pulis na nakatalagang magbabantay dito sa bawat polling centers sa buong lalawigan ng Aklan.