Aklan News
Umano’y bugaw arestado sa buy-bust operation sa Caticlan, Malay
Nahulog sa kamay ng mga kapulisan ang isang bugaw na umano’y nagtutulak din ng droga ngayong gabi sa Sitio Tabon, Brgy. Caticlan.
Nakuhaan ang 41 anyos na suspek ng 2 sachet ng pinaghihinalaang shabu kapalit ng P1500 na buy bust money.
Dagdag na isang sachet pa ang nakuha sa body search.
Batay sa impormasyon, may isa pang kasama ang suspek pero nakatakas ito.
Sa panayam ng Radyo Todo, inamin nito na nagbebenta at gumagamit siya ng droga.
Ayon sa team leader ng Malay PNP na si PLt. Nerbiol, may kasabwat ang suspek na kumukuha ng droga sa Roxas at siya naman ang taga benta nito sa Caticlan at Boracay.
Napag-alaman din na pati ang kanilang mga customer sa pambubugaw ay sinusuplayan din nila ng droga.
May pagkamailap din umano ang street level individual na suspek pero pagkatapos ng halos isang linggong pagmamanman nila rito ay napasakamay din ito ng pulisya.
