Unang araw ng pasukan, suspendido sa ilang mga bayan sa Aklan dahil sa red rainfall warning ng PAG-ASA

Suspendido ang unang araw ng pasok sa ilang mga bayan sa lalawigan ng Aklan dahil sa inilabas na Red Rainfall Warning ng PAG-ASA.

Unang nag-anunsyo ng kanselasyon ng klase mula pre-school hanggang high school si Mayor Juris Sucro kagabi sa pamamagitan ng kanyang Facebook Page.

Sinundan ito ng mga bayan ng Banga, Makato, Lezo, Malay, Batan, Makato, Nabas, Malinao, Buruanga, Madalag, Ibajay, Balete, Tangalan, Altavas at Libacao.

Samantala sa bayan ng Numancia, tuloy pa rin ang pasok dahil wala umanong basehan sa pagsuspende ng klase ang local government batay kay LDRRM Officer II Arvin Tolentino ng MDRRMO Numancia.

Hindi raw kasi pasok sa latest rainfall advisory ang Numancia.

Tuloy rin ang unang araw ng pasukan sa bayan ng New Washington batay sa anunsyo naman ni Mayor Jessica Panambo. /MAS