𝙐𝙋𝘿𝘼𝙏𝙀 | DRIVER NG TOPDOWN NA NABANGGA NG MOTORSIKLO NOONG SABADO, BINAWIAN NG BUHAY

Makato – Sasampahan ngayong araw ng kasong Reckless Imprudence Resulting to Homicide ang driver ng motorsiklong si Jimmy Prado Jr. , matapos bawian ng buhay si Ramon Tabernilla, ang driver ng nabangga nitong topdown Sabado ng tanghali sa Mantiguib, Makato.

Samantala, nakatakda namang magharap para sa isang pag-uusap ang driver na si Prado at ang angkas sa topdown na si Joebert Arguelles, kapag nakalabas na ito ng ospital kung saan ito naka confine pa sa ngayon sanhi din ng pinsala nito sa katawan.

Kung magugunita, base sa imbestigasyon ng pulis, aksidenteng nabangga ng motorsiklo ang topdown dahil posible umanong hindi ito napansin ni Prado na naka signal light papasok sa crossing ng Pawa, Mantiguib, maliban sa posibilidad na may kabilisan din ang pagpapatakbo nito noon ng motorsiklo.

Samantala, nabatid pa mula sa Makato PNP, na walang anumang papeles o katibayan si Prado hinggil sa pagdadala o pagmamaneho nito ng motorsiklo.