Update–MOTORISTANG NAHULIHAN NG BARIL SA CHECK POINT, KINASUHAN NA

Kalibo — Kinasuhan na ang motoristang nahulihan ng baril sa check point kaninang umaga sa highway ng Tigayon, Kalibo.

Ayon kay PMajor Belshazzar Villanoche, officer in charge ng Kalibo PNP, naihabol kaninang hapon ang pag-inquest sa suspek na si Ida Zaradulla, 46 anyos ng Poblacion, Libacao kaugnay ng paglabag nito sa RA 10591 o Ilegal Possession of Firearms and Ammunitions.

Magugunitang nagsagawa ng check point kaninang umaga ang Kalibo PNP nang mahulihan ng baril si Zaradulla kung saan narekober mula sa kanya ang baril na Pietro Beretta na may tatak na PNP Property at 2 magazine na may mga bala.

Nakatakda namang dalhin sa crime lab ang narekober na baril at mga bala.