UPDATE: SUSPEK SA PANANAKSAK KAGABI, PINALAYA

Kalibo (Update) – Pinalaya mula sa kustodiya ng Kalibo PNP bandang alas 4:00 nitong hapon ang suspek sa nangyaring pananaksak kagabi sa Purok 1 Laserna St., Poblacion, Kalibo.

Ayon sa Kalibo PNP, hindi na umano magsasampa ng reklamo ang biktimang si Garry Panagsagan laban sa suspek na si Reylon Dangcalan, matapos umanong mag-usap ang kaniang pamilya, lalo pa’t nabatid na pinsan ng biktima ang asawa ng suspek.

Magugunitang sinaksak ng suspek ang lasing na biktima nang hamunin nito ng away ang suspek na nagkataong nakikipagtalo sa kanyang asawa.

Magugunita pa sa imbestigasyon ng Kalibo PNP na sinuntok ng biktima ang suspek rason na sinaksak naman siya nito.