UPDATE|1 SA MGA BIKTIMA SA NANGYARING VEHICULAR ACCIDENT SA BATAN NAMATAY NA, 1 NAKA ICU PA

Batan – Namatay na kahapon ang isa sa mga biktima sa nangyaring aksidente sa Brgy. Himbis, Batan mga alas 9 noong Huwebes ng gabi.

Nakilala ang namatay na si Arnel Flores, 34 anyos, drayber ng motorsiklo, angkas ang kanyang pinsan na si Liajay Cuagon, 33 anyos, lahat residente ng Brgy. Lumaynay, Altavas na naka ICU pa sa DRSTMH sa ngayon.

Ayon sa report, habang binabagtas ng magpinsan ang daan pauwi sakay ng motorsiklo galing sa Brgy. Aranas, Balete, ng makabanggaan ang isang SUV na nag overtake sa isang truck.

Dahil sa lakas ng pagkakabangga, puro sa ulo ang patal na sugat ng mga biktima. Hinugot pa umano mula sa ilalim ng SUV si Flores matapos pumailalim ito.

Samantala, nairelease na rin kahapon mga alas 5 ng hapon sa kustodiya ng Batan PNP ang drayber ng SUV na si Aldren Managuit, 50, residente ng Bugasong, Antique, matapos umano na makausap ang pamilya ng mga biktima na sagutin nito ang lahat ng gastusin.